Зверев немаше шанси, Ѓоковиќ победи за финале во Шангај и втора позиција на АТП

Новак Ѓоковиќ без никакви проблеми го совлада Александар Зверев со 2:0 во сетови, 6:2, 6:1 и на тој начин си обезбеди финале на Мастерсот во Шангај.

На Ѓоковиќ во овој полуфинале меч му беа потребни 61 минута, а Зверев се држеше до шестиот гејм од првиот сет кога Србинот направи брејк и стигна до предност од 4:2.

Во наредниот гем Ѓоковиќ го потврди гемот, а потоа во осмиот ја искористи втората брејк и сет топка за водство во сетови од 1:0.

На почетокот на вториот сет изгледаше како Зверев да се опоравил од завршницата на првиот, но Ѓоковиќ лесно стигна до брејк во четвртиот гем и водство од 3:1.

Потоа младиот Германец не можеше да се врати бидејќи, Ѓоковиќ во шестиот гем направи нов брејк, а потоа сервираше за победа и финале на Шангај.

Освен пласманот во финалето на Мастерсот во Шангај каде што ќе игра против подобриот од мечот помеѓу Федерер и Чориќ, Ѓоковиќ со оваа победа стигна до втората позиција на АТП листата.