Заврши лудницата: Галатасарај е нов шампион на Турција! (Видео)

Денес со почеток од 18:00 часот се одиграа последните натпревари во турското првенство во кое гледавме супер интересна завршница.

На крајот – нов шампион е Галатасарај!

Во последното коло три клуба во труското првенство влегоа со шанса за освојување на титулата Галатасарај, Фенербахче и Башакешир. На денешните натпревари сите три клуба забележаа победи.

Галатасарај освојувањето на титулата го обезбеди со победата од 0:1 на гостински терен против Гозтепе. Единствениот гол на натпреварот го постигна Гомис од пенал во второто полувреме.

Фенерабахче со 3:2 славеше против тимот на нашиот Адис Јаховиќ кој беше и стрелец на вториот гол за Коњаспор.

Башакешир со истиот резултат беше подобар од Кашимпаша со 3:2!

Во истиот термин играше и Бешикташ кој се надеваше дека може да стигне до втората позиција и местото кое води во Лигата на шампионите. Сепак неговите конкуренти не си дозволија кикс, па и покрај победата од 5:1 против Сиваспор остана на четвртата позиција која го носи во Лигата на Европа.