Дориан Бабунски ќе има нов клуб во новата сезона

Македонскиот фудбалер Дориан Бабунски во новата сезона ќе има нов клуб затоа што си замина од јапонската Мачида.

Бабунски имаше договор со Мачида до јуни 2021 година, но двете страни се разделија на една сезона пред истекот. Македонскиот напаѓач им се заблагодари на луѓето во клубот и истакна дека ќе остане навивач на Мачида.

За Мачида Дориан настапуваше во последните три години. Во Јапонија играше и за Кагошима. Претходно беше дел од Радомељ и Олимпија (Словенија), Фуенлабрада и младинските категории на Реал Мадрид.

Ќе потсетиме дека Бабунски ги помина младинските категории на Македонија (У21, У19 и У17).