Договорот се поблиску: Јувентус ја „блиндира“ новата ѕвезда

Раководството на Јувентус засилено работи на продолжување на договорот со младата ѕвезда, Моис Кин.

19-годишниот напаѓач буквално „експлодира“ оваа сезона и заработи повик во италијанската репрезентација. Кин со своите настапи ги воодушеви сите и постигна четири гола за само 204 минути поминати на терен.

Проблем за Јувентус е што младата ѕвезда има договор до 2020 година, а за него силен интерес покажуваат многу европски клубови кои се спрмени да му понудат поголема минутажа.

Поради тоа „бјанконерите“ брзаат да му понудат нов договор според кој Кин ќе се обврзи на верност до 2024 година. Италијанските медиуми пренесуваат дека преговорите се во напредна фаза и дека според новиот договор напаѓачот ќе заработува скоро 2 милиони евра по сезона.

? #StatAttack: Moise Kean's first three shots in @SerieA all resulted in three goals! ⚽️⚽️⚽️#ForzaJuve pic.twitter.com/OCdMDNwRDG

— JuventusFC (@juventusfcen) March 31, 2019

Менаџер на 19-годишниот фудбалер е Мино Раиола со кого „бјанконерите“ имаат одлични односи. Поради тоа не се очекува двете страни да имаат проблем при продолжување на соработката.

Со новиот договор Јувентус ќе ги одбие „нападите“ од другите клубови, но прашање е дали Кин ќе остане во Торино и следната сезона. Постои можност да биде испратен на позајмица каде ќе има поголема минутажа.