Дерби на денот: Финале пред финалето во Париз

Денес започнува нокаут фазата во Лигата на шампиони, а секако еден од највозбудливите дуели во оваа фаза е тој меѓу Пари Сент Жермен и Баерн Минхен.

Ждребот сакаше уште во оваа фаза да ги спои двата големи фаворити за освојување на Лигата на шампиони, а место во четвртфиналето има само за еден. Дали ПСЖ конечно ќе направи исчекор, или на Баерн ќе му помогне историјата?

ПСЖ нема среќа со ждребот

Веќе со години главна цел на ПСЖ е освојување во Лигата на шампиони. Сите инвестиции се насочени само кон таа цел и се друго освен финале ќе биде разочарување за овој скап тим. Сега во осминафиналето ќе имаат шанса да се реваншираат за поразот во финалето од пред три години. Впечаток е дека ПСЖ нема среќа со ждребот, и оваа година го добија насилниот противник, но во некоја рака се виновни и самите. ПСЖ заврши на второто место во групата, позади Бенфика, па јасно беше дека ќе добие потежок противник. Добрата вест е што Килијан Мбапе се опорави од повредата, иако мали беа шансите дека ќе настапи на овој меч. На вчерашниот тренинг тренираа исто така Меси и Верати, па Галтие на располагање ќе го има најсилниот тим, а единствен отсутен поради повреда е Ренато Санчез. ПСЖ ќе се обиде да го искористи домашниот терен и да создаде предност пред реваншот во Минхен, па се наоѓа пред императив победа.

Баерн ја темпира формата

Бавараците после мундијалската пауза имаа еден период во кој имаа голем пад на формата и на неколку меча не може да дојдат до победа во Бундеслигата. Меѓутоа, полека Баварците ја темпираа формата за овој меч, кој сигурно е еден од најважните серонава. Секако целта на гермнаксиот шампион е да стигне до финале во елиминација во оваа фаза ќе биде големо разочарување. Баерн своите амбиции ги покажа уште во групната фаза каде супериорно ја освои групата, иако за противници ги имаше Барселона и Интер. Баварците немаат пораз во ЛШ веќе долго време, па сигурно со голема самодоверба ќе патуваат во Париз. Со оглед на фактот дека повеќе не се сметаат головите во гости Баерн нема да калкулира и ќе се обиде да се врати со цел плен од Париз. Што се однесува до тимот, веќе е познато дека сезоната е завршена за Мануел Ноер и Лукас Хернандес, но Баерн доведе адекватни замени и секако дека има квалитетен тим да му се спротистави на ПСЖ.

Очекување

Ова е големо дерби во оваа фаза во Лигата на шампионите и едноставно нема фаворит. ПСЖ е во мала предност поради домашниот терен, но Баерн има многу поголемо искуство во вакви натпревари. Сигурно е дека двата тима играат отворен фудбал, имаат ефикасни напади, па очекуваме натпревар со многу голови.