Депај пред трансфер во Јувентус

Јувентус е клубот кој покажува најсилен интерес за Мемфид Депај, а Барселона нема да прави проблеми доколку Холанѓанецот најде нова средина.

Проблем беше што Јувентус го сака Холанѓанецот само на позајмица, додека Барселона сака да го продаде и да заработи на неговото заминување.

Со оглед на фактот дека Депај има само уште една година договор, сепак Барселона се согласи да го раскине договорот и да го пушти без обештетување.

Јувентус веќе има договор со неговиот агент и се очекува да го комплетира трансферот во наредните денови.

Депај минатата сезона постигна 12 гола во Примера, но повеќе не влегува во плановите на Чави, особено после доаѓањето на Левандовски.