Го победи ракот и освои злато во Пекинг!

Канаѓанецот Макс Паро го освои златниот медал во сноубордерската дисциплина слопстај на Олимписките игри во Пекинг.

Оваа информација немаше да биде толку посебна ако Канаѓанецот не го победи ракот и успеа да се врати на големата сцена. После игрите во Пјонгчанг во 2018 година на Паро му беше дијагностициран еден вид на рак. За среќа хемотерапијата беше успешна и тој ја победи болеста.

Канадскиот сноубордер после проблемите се врати на патеките и започна да ја крева формата се до кулминацијата и освојувањето на златниот медал. До златото Паро стигна со 90.65 поени. Пред четири години во Пјонгчанг беше второпласиран.