Големо засилување за Рома: Михтарјан пристигна во Рим (видео)

Рома во послдниот ден од преодниот рок успеа да донесе големо засилување и го договори трансферот на Хенрих Михтарјан.

Ѕвездата на Арсенал ќе пристигне на „Олимпико“ на едногодишна позајмица, а следното лето Рома ќе има можност во целост да го откупи неговиот договор за 10 милиони евра.

Михтарјан утрово пристигна во Рим и откако ќе ги мине рутинските лекарски прегледи и официјално ќе стави потпис на договорот.

Ерменецот не ги оправда очекувањата во Арсенал и падна во втор план, па се сели во Рим за да ја „оживее“ својата кариера.