Дома Фудбал Репрезентации Германските дресови на попуст по елиминацијата од Мундијалот

Германските дресови на попуст по елиминацијата од Мундијалот


Викенд најава - Најинтересно во Серија А! ↓↓↓



Германската репрезентација бешее елиминирана од Светското првенство во Катар и тоа вторпат во низа во групната фаза.

Германците завршија како трети во групата „Е“ зад Јапонија и Шпанија и ќе мора да се вратат дома вторпат по ред по само три натпревари на Светското првенство. Германија вчера во последното коло од групната фаза ја совлада Костарика со 4:2, но поради победата на Јапонија над Шпанија од 2:1 не се пласираше во осминафиналето.

Еден ден по елиминацијата на германската фудбалска репрезентација од Светското првенство во Катар, производителот на опрема „Адидас“, кој е нивни спонзор на својата веб-страница ги намали цените на германските дресови за 50 отсто.

„Адидас“ се најде во проблем бидејќи само три од седумте репрезентации кои ги носеа неговите дресови се пласираа во осминафиналето, а успехот на репрезентациите многу влијае на продажбата на дресови и останатата опрема.

Во пресрет на СП, „Адидас“ пресмета дека ќе заработи вкупно околу 400 милиони евра од продажба на дресови и друга опрема за време на натпреварувањето, но раната елиминација на Германија во голема мера ја загрози таа пресметка.

Коментари
Прочитајте поврзани статии
Load More In Репрезентации

Проверете

Реал Мадрид размислува за Покетино

Викенд најава - Најинтересно во Серија А! ↓↓↓ Реал Мадрид на лето би можел да направи трен…