Гвардиола: Никогаш не сум се обидел да го доведам Меси – никогаш!

Oткако денес „Мундо Депортиво“ објави детали од наводната понуда на Манчестер Сити за Лионел Меси, Пеп Гвардиола се огласи на таа тема.

Пеп веќе долго време тврди дека Меси ќе ја заврши својата кариера во Каталонија, но и покрај тоа секогаш се поврзува со трансфер во Манчестер Сити. Сепак, Гвардиола во изјава за англиски „Стандард“ порача дека никогаш не се обидел да го доведе Меси.

„Кога стигнав во Баерн и Манчестер Сити, никогаш не сум побрал да ми биде доведен Меси. Знам колку тој е важен за Барселона. Никогаш не направив таков чекор. Никогаш. Ви кажав 1000 пати дека сакам да остане во Барселона“, порача Гвардиола.

Гвардиола во четири сезони во Барселона освои 14 трофеи што го прави најуспешен тренер во историјата на клубот.