Галиани: Жалам за две работи, едната е Тевез, а другата…

Адријано Галиани долги години беше на чело на Милан и важи за главен архитект на сите успеси на „росонерите“.

Галиани како трансфер гуру на Милан стана еден од најпознатите и најдобрите спортски директори во Европа.

Тој во Милан донесе многу големи ѕвезди, беше вешт преговарач, но признава дека направил неколку грешки за кои се уште жали.

„Жалам за два моменти. Еден е Тевез, го паметам и датумот беше 12 јануари 2012 година. Трансферот беше договорен и добро е познато зошто пропадна. Неговото доаѓање можеше да ја промени историјата на Милан“.

„Другиот се продажбата на Ибрахимовиќ и Тиаго Силва. По осум години еден е пак во Милан, другиот ќе игра за Челзи. Тие беа најважните играчи на ПСЖ во последните години“, изјави Галиани.