Во Реал е непотребен, но Интер го доведува за 30 милиони!

Две години откако го доведоа Бразилецот, Данило за 31.5 милиони фунти управата на Реал Мадрид одлучи да го продаде фудбалерот кој пристигна од Порто.

Данило не се снајде најдобро во шпанскиот гигант, но нема да има проблем во пронаоѓањето нов клуб, а наводно неговиот трансфер е веќе договорен и ќе изнесува 30 милиони евра, таа сума ќе ја плати Интер, тврди новинарот Марио Торехон.

Се очекува трансферот на Данило во редовите на италијанскиот клуб да биде потврден само неколку дена после финалето во Кардиф во кое Реал Мадрид ќе игра против Јувентус.

Според споменатиот новинар Интер со доведувањето на Данило ја реализирал долгогодишната желба бидејќи не успеаа да го доведат во 2011 година кога од Сантос премина во Порто.