Во Мадрид предупредуваат на маните кои Јувентус може да ги искористи

Реал Мадрид има од што да стравува, посебно бидејќи во натпреварувањето кое може да биде спас на сезоната играат против Италијанците кои се мајстори да одиграат тактички.

„Кралевите“ во викендот кој е зад ја победија Жирона со резултат 6:3. Но, Зинедин Зидан после натпреварот призна дека е загрижен поради еден сегмент од играта.

Реал оваа сезона во Ла Лига прими 33 погодоци, а од нив дури 10 противниците постигнаа по нафрлување од страничите позиции.

Мадритските медиуми овој сегмент го истакнуваат како најголема мана на тимот на Зидан оваа сезона и нешто на кое посебно ќе мораат да посветат внимание пред натпреварот против Јувентус во Лигата на шампионите.

Покрај тоа, проблем за Реал се последните 15 минути од натпреварот бидејќи тимот на Зидан во тој период прими дури 10 погодоци, за споредба одбраната на Барселона во тој период не капитулираше ниту еднаш.

Според медиумите во Мадрид ова се мани кои Јувентус знае да ги искористи, посебно што во тимот се враќа Марио Манџукиќ кој заедно во тандем со Гонзало Игуаин и тоа како може да бидат опасни по одбраната на Реал.

Одбранта на Реал оваа година изгледа ранлицо, покрај податокот за погодоци по нафрлувањата, генералниот впечаток е дека примија премногу. Тотенхем на „Вембли“ им даде три, но пак од друга страна ПСЖ на два натпревари само два…