Видео: Хјустон „гази“, Харден најефикасен, Кузма и Рендл го предводеа Лејкерси до победа

Изминатата вечер во НБА лигата беа одиграни шест натпревари.

Кошаркарите на Хјустон со осмата победа во низа, односно 25 во последните 26 натпревари се доближија уште еден чекор поблиску до дефинитивното обезбедување на првото место пред плеј-офот.

Хјустон на свој терен беше подобар од Њу Орлеанс со 115:91 и така ја прекина серијата на гостите од четири победи во низа.

Очекувањата беа дека ќе гледаме неизвесен натпревар, но екипата од Тексас веќе по првата четвртина стигна до 17 поени предност, а на полувремето замина со резултат 64:37.

Џејмс Харден беше најефикасниот играч на мечот со 27 поени, покрај тоа запиша шест скокови и осум асистенција, но и изгуби девет топки. Клинт Капел стигна до дабл-дабл со 18 поени, 16 скокови и шест блокади, додека Ерик Грин натпреварот го заврши со 19 поени. Крис Пол не беше во тимот поради повреда.

Во редовите на Њу Орелнс очекувано најдобар беше Ентони Дејвис со 25 поени, осум скокови и четири блокади.

Лос Анџелес Лејкерси во Мемфис стигнаа до победа од 100:93 и ја прекинаа низата од четири порази.

Домаќините во првата четвртина имаа 16 поени предност и ја одржуваа до воведните минути од последната четвртина кога Лејкерси со серија од 11:2 се вратија во игра и му го нанесоа четвртиот пораз во низа на Мемфис..

Кај ги немаше Ајзеа Томас и Брендон Инграм, а се истакнаа Кајл Кузма со 25 поени и 10 скокови и 10 скокови, Џулијас Рендл оствари учимок од 20 поени и 11 украдени топки. Лонзо Бол натпреварот го заврши со 12 поени, 8 скокови и 10 асистенции.

Ендрју Херисон со 20 поени и девет асистенции беше најефкасен кај Мемфис.

НБА резултати:

Филаделфија – Минесота 120:108

Детроит – Чикаго 117:95

Орландо – Феникс 105:99

Хјустон – Њу Ореланс 114:91

Мемфис – Лос Анџелес Лејкерси 93:100

Далас – Шарлот 98:102