Дома Актуелно ВИДЕО: Дончиќ со фуриозен финиш донесе победа за Далас, Харден го уништи Кливленд

ВИДЕО: Дончиќ со фуриозен финиш донесе победа за Далас, Харден го уништи Кливленд

0

Изминатата ноќ во НБА лигата се одиграа девет натпревари.

Лука Дончиќ одново имаше одлична вечер и беше на чекор од трипл-дабл учинок со 29 поени 12 асистенции и осум скокови.

Далас ја победи Минесота со 119:115. Од последните девет поени на Далас, Дончиќ уфрли седум! Решавачка беше тројката на 23 секунди пред крајот. Тоа за Словенецот беше само втора тројка од деветиот обид.


Следете го Sportski.mk и на


Харисон Барнс го следеше Словенецот со 23 постигнати поени, додека значаен допринос од клупата дадоа Бареа и Паул. Првиот уфрли 16 и имаше седум асистенции, додека вториот 15.

Карл-Ентони Таунс беше најдобар во редовите на Минесота со 30 поени и 11 скокови. Можеби го импресионираше новиот тренер Рајан Саундерс кој дебитираше пред домашните навивачи, но на крајот не успеа да обезбеди победа.

Дерик Роуз уфрли 21 поен, Вигинс имаше 17, Окоги 15, а Тег 12. Очаен натпревар зад себе имаше Хрватот Дарио Шариќ кој за неполни 19 минути на паркетот успеа да постигне само еден поен.

Џејмс Харден запиша уште еден трипл-дабл, овој пат во победата на Хјустон над Кливленд со резултат 141:113.

Харден го заврши натпреварот со 43 поени, 12 асистенции и 10 скокови. Го следеа Капел со 19, Хаус со 14 и Риверс со 12.

НБА резултати

Филаделфија – Атланта 121:123

Вашингтон – Милвоки 113:106

Њујорк – Индијана 106:121

Торонто – Бруклин 122:105

Хјустон – Кливленд 141:113

Минесота – Далас 115:119

Портланд – Шарлот 127:96

Јута – ЛА Лејкерс 113:95

Голден Стејт – Чикаго 146:109

Коментари
Advertisements
Прочитајте поврзани статии
Load More In Актуелно

Проверете

ВИДЕО: Толку од смиреноста – Гатузо бутна телефон на новинар!

Вчера во Саудиска Арабија, Милан и Јувентус го одиграа италијанскиот Суперкуп. Натпреварот…