![](https://sportski.mk/wp-content/uploads/2016/11/22.11beks1.jpg)
Златан Ибрахимовиќ синоќа на свечена церемонија беше прогласен за најдобар шведски фудбалер и тоа 11-ти пат во низа.
Покрај престижната награда Ибра доби и искрени честитики од Дејвид Бекам, кој за тој повод сними видео порака.
Лига Нации: Се освен прво место ќе биде катастрофа за Македонија! ↓↓↓
„Здраво Златан, јас само сакам да ти честитам и да ти кажам дека си неверојатен фудбалер и неверојатна личност. Јас ја имав привилегијата да играм покрај тебе. За мене, Златан е играч кој има голема класа, кој секогаш сака да победува, а тоа ми го докажа кога јас се преселив во ПСЖ. Тој е еден од оние играчи кои без разлика дали играме многу важен меч, натпревар во француската лига или на тренингот, сака да победува. Кога не победува, тој е како едно од моите деца. Ќе се вознемири, ќе биде лут. За мене тој е победник. Неговата физичка подготвеност, неговата пасија, неговата љубов за играта никогаш не се променија. Тој се уште е еден од најдборите играчи кои некогаш играле фудбал. Една од причините поради која сум среќен е тоа што сега игра за Манчестер Јунајтед, за мојот тим. Фала ти за тоа Златан“, му порача Бекам.