Видео: Алонсо од слободен за минималец на Челзи, еврогол на Озил за победа на „топџиите“

Со почеток од 16:00 часот во англиската Премиер лига денес се одиграа четири натпревари.

Арсенал и Челзи во денешните натпревари запишаа минимални победи против Њукасл, односно Саутемптон.

„Сините“ го совладаа Саутемптон со 1:0, а единствениот гол на натпреварот го постигна Маркус Алонсо од слободен удар во продолжението од првото полувреме.

Овој гол дојде како награда за екипата на Антонио Конте која доминираше во текот на целото полувреме. Во продолжението иста слика на теренот, Челзи доминираше, Азар псотигна уште еден погодок кој беше поништен поради офсајд па остана 1:0.

Слично сценарио беше видено и на „Емирати“ каде што гостуваше Њукасл и загуби со 1:0.

Месут Озил со прекрасен погодок со волеј удар ги доведе „топџиите“ во водство во средината на првото полувреме на крајот овој гол се покажа и како одлучувачки.

Во останатите два натпревари Вотфорд запиша пораз од Хадерсфилд со 1:4, додека Брајтон и Барнли одиграа 0:0.

Натпреварот помеѓу Стоук и Вест Хем започна нешто подоцна па сеуште е во тек.