Венгер призна дека погрешил што останал толку долго во Арсенал

Искусниот француски стратег, Арсен Венгер јавно призна дека направил грешка со тоа што предолго останал во Арсенал и на тој начин станал заробеник на сопствените амбиции.

Венгер цели 22 години беше на кормилото на „топџиите“ кое го напушти на крајот на минатата сезона.

„Најголемата грешка во мојата кариера е можеби тоа што останав во ист клуб цели 22 години. Сакам да сум во движење и сакам предизвици, но во Арсенал станав заробеник на сопствените амбиции“, искрен беше Венгер.

Toj со Арсенал освои три титули во Премиер лигата и седум во ФА Купот, а во 2006 година играше во финалето на Лигата на шампионите.