Вардар домаќин на ВРХЛ лигата во следните три дена

Третиот турнир од регионалната ВРХЛ лига стартува денеска, во малата сала во СЦ „Јане Сандански”. Домаќин на турнирот е Вардар, а трите натпревари се закажани за 19, 20 и 21 јануари.

Според распоредот денеска во 17 часот играат Вардар и Будуќност, а следниот ден, на 20 јануари во 17 часот се среќаваат Будуќност и Крим. Двата натпревари се играат во малата сала. В недела, на 21 јануари, во 17 часот играат Крим и Вардар во големата сала на центарот.

На претходните два турнири одржани во Подгорица и во Љубљана, Вардарки победија на сите четири одиграни натпревари.

Овие натпревари за Вардар ќе бидат последна контрола пред продолжувањето на натпреварите од ЕХФ лигата на шампионите.

Распоред на натпревари од 3 турнир во ВРХЛ:
19.01.2018 – мала сала СЦ „Јане Сандански”
Вардар – Будуќност (17 ч.)
20.01.2018 – мала сала СЦ „Јане Сандански”
Будуќност – Крим (17 ч.)
21.01.2018 – голема сала СЦ „Јане Сандански”
Крим – Вардар (17 ч.)