Вардарки едногласни: Целта е завршниот турнир!

Ракометарките на Вардар 60 минути ги делат од уште еден пласман на завршниот турнир во Лигата на шампионите.

Ракометарките на Вардар со предност од два гола влегуваат во четвртфиналниот реванш против Митјиланд. Во неделата македонските шампионки славеа во Данска 28:26.

„Оекуваме тежок натпревар. Митјиланд е силен тим, но ние сакаме да победиме и во реваншот и со победа да се пласираме на завршниот турнир“, рече тренерот на ЖРК Вардар, Ирина Дибирова.

„Знаеме дека влогот голем. Треба само да го отвориме натпреварот, како што тоа го направивме во Данска. Целта се знае, пласман на завршниот турнир“, рече Андреа Пенезиќ.