Важен играч на Рома става потпис на нов договор

Играчот за врска на Рома и италијански репрезентативец, Лоренцо Пелегрини се согласил да потпише нов договор со „волчицата“, пренесува „Газета дела Спорт“.

24-годишниот Италијанец ќе потпише договор до јуни 2024 година со плата од три милиони евра годишно. Во исто време, од договорот ќе биде отстранета и откупната клаузула во висина од 30 милиони евра.

Токму тоа беше и основната причина Рома да му предложи нов договор на Пелегрини, со оглед на фактот што многу клубови се заинтересирани за него и се спремни да ја платат откупната клаузула.

Пелегрини оваа сезона настапи само на седум натпревари во сите натпреварувања поради повреда, но е меѓу најдобрите асистенти во Серија А.