„Бомба“ на Раиола: Погба заврши со Манчестер Јунајтед

Контровезниот агент Мино Раиола во разговор со весникот „Тутоспорт“ вели дека Пол Погба наскоро ќе го напушти Манчестер Јунајтед.

Погба има договор со „црвените ѓаволи“ до летото 2022 година, но за повеќе од четири години во клубот, тој не ги оправда очекувањата.

Раиола не прецизираше дали Погба ќе си замине од „Олд Трафорд“ во јануари, но потвди дека двете страни ќе се разделат.

„Можам само да кажам дека е готово меѓу Погба и Манчестер Јунајтед“, кратко изјави Раиола.

Најсилен интерес за Погба покажуваат Реал Мадрид и Јувентус, а играчот на лето влегува во последната година од договорот.