„Бомба“: Милан испрати понуда за Бернардо Силва

Англиските медиуми пренесуваат дека Манчестер Сити е спремен да го продаде Бернардо Силва после ангажманот на Џек Грилиш.

Сити му ја отвори излезната врата, а и самиот Бернардо Силва сака да ја промени средината бидејќи го загуби местото во стартниот тим.

Неговиот агент Жорге Мендеш веќе започнал преговори со Милан, кој е во потрага по таков профил на играч.

Англиските медиуми пренесуваат дека „росонерите“ испратиле понуда од 15 милиони евра за двегодишна позајмица, плус 30 милиони евра за откуп.

„Граѓаните“ за слободата на Португалецот бараат 50 милиони евра, па се спремни да ја прифатат понудата на италијанскиот клуб.

💥 #Milan, idea #BernardoSilva in prestito con diritto di riscatto: operazione complessiva da oltre 50 milioni di euro [🗞️'Daily Star']https://t.co/NnBrTmkn1x

— calciomercato.it (@calciomercatoit) August 22, 2021