Oдносот помеѓу Реал Мадрид и Герет Бејл е една од најголемите сапуници во модерниот фудбал. Во последните две години „кралевите“ се обидуваат да се ослободат од Велашанецот и неговата плата, но тој е се уште во клубот и повеќе време поминува на трибините отколку на теренот.
Бејл преку неговиот агент неколку пати порачуваше дека не сака да замине од Реал и дека ќе остане до крајот на неговиот договор. Сега тој самиот даде една поинаква изјава во која многумина и не веруваат. Бејл го обвини Реал дека тие не му дозволуваат да замине и потсети на ситуацијата минатото лето кога Кинезите нудеа да ја превземат целата неговата плата, но да не плаќаат оштета.
Како екраните влијаат на детскиот развој? Разговор со дефектолог
„Сакав да заминам и минатото лето, се беше спремно. Но Реал се блокираше во последен момент. Тоа беше проект за кој бев возбуден, но не се оствари. Се е до клубот тие не ми дозволуваат да заминам, јас имам договор и се што можам е да продолжам да тренирам. Премиер лигата секако е интересна опција за мене, ако имам можност и понуди би ги разгледал“, изјави Бејл.
Реал можеби не го пушти Бејл во Кина тогаш, но сигурно дека сега „кралевите“ прават се да се ослободат од Велшанецот, меѓутоа проблем е што ниту еден клуб во Европа не сака да му да ја даде платата која ја има во Реал Мадрид (17 милиони евра по сезона).
Учество во игри на среќа е дозволено за лица со 18+ години. Играј одговорно!