Бејл во Јувентус? Не е невозможно – тврди неговиот агент!

Агентот на Герет Бејл со последната изјава можеби најави спектакуларен трансфер.

Џонатан Барнет кој покрај тоа што е агент на Бејл се грижи и за кариерата на Војчех Шчесни порача дека не е невозможно Бејл да заигра за Јувентус.

„Војчех го сакаа голем број клубови, но Јувентус му вети дека тој ќе го наследи Буфон и клубот го исполни тоа ветување и сега не сака да размислува за било какви понуди“.

„Кога во прашање е Бејл не е невозможно да дојде во Јувентус. Не му е лошо во Реал, но во фудбалот се е можно“, изјави Барнет.

Потоа тој можниот трансфер на Бејл го поврза и со минатогодишниот на Роналдо.

„Тоа што Роналдо дојде во Серија А, значи дека секој играч може да размислува за трансфер во Серија А“, заврши англискиот менаџер.

https://www.youtube.com/watch?v=BYhXPNKwqZU&t=2s