Белгија – Канада: Последна шанса за оваа генерација „ѓаволи“

Денес на програмата има четири меча на Светското првенство, а вечерниот термин е резервиран за дуелот помеѓу Белгија и Канада.

Ова е дуел од Групата Ф каде уште се наоѓаат и селекциите на Хрватска и Мароко. Со оглед дека оваа групата е многу израмнета од исклучителна важност ќе биде секој освоен бод, а особено важен е првиот меч за двете репрезентации.

Последна шанса за оваа генерација на Белгија

Тимот на Роберто Мартинез на овој настан влегува со надеж дека може да оствари нешто историско за Белгија. Оваа генерација долго време беше на врвот на светскиот фудбал, па ова е последна шанса за историски успех. Полуфиналето на минатото Светско првенство помеѓу Белгија и Франција според многумина беше финале пред финале, па на „ѓаволите“ им недостасува тој мал чекор за да испише историја. На овој Мундијал Белгија влегува со многу непознаници, Азар веќе подолго време е надвор од форма, а најдобриот стрелец Ромелу Лукаку неколку месеци е надвор од терените поради повреда.Ова е последна шанса за мундијалски успех и на други ѕвезди како Мертенс, Караско…а секако најголема надеж и главна виолина во тимот ќе биде Кевин де Брујне, кој е еден од најдобрите фудбалери во светот. Секако, мора да се спомене и Куртоа, кој е во најдобра форма во својата кариера.Белгија ќе сака да влезе со позитивен резултат бидејќи целта е пласман во следната фаза, а Канада е можби најслабиот тим во лигата. Селекторот Мартине за овој меч нема да може да смета на Лукаку, кој се уште не е целосно опоравен од повредата.

За Канада е успех и самиот пласман на Мундијалот

Канаѓаните се враќаат на Светските првенства по пауза од 38 години, откако завршија први во квалификациите. Прва ѕезда на оваа репрезетација секако е Алфонсо Дејвис, играчот на Баерн кој во Канада пристигна како мигрант, а сега е фудбалска икона. Секако тука не смее да се заборави Џонатан Дејвид од Лил, кој се етаблираше во еден од најдобрите напаѓачи во европските првенства. Пред Мундијалот одиграа два припремни натпревари, ја победија Јапонија и запишаа реми против Бахреин, па секако во добро расположение доаѓаат во Катар. Групата е доста тешка, па за нив и самиот пласман на Мундијалот е голем успех, но сигурно нема да дојдат во Доха на „екскурзија“, туку ќе се борат за секој бод. Голем хендикеп за тренерот Хердман секако ќе биде отсуството на Дејвис за овој меч, кој за жал се уште се опоравува од повредата.

Очекување

Искуството и квалитетот се на страната на Белгија, но Канада долго чекаше да се појави на мундијалската смотра, па сигурно ќе сака да остави добар впечаток. Има одличен напад и сигурно ќе се заканува преку контранапади.

Сите квоти од овој меч погледнете ги во MOZZART