Барса спеми нов договор за Тер Штеген

Шпанските медиуми пренесуваат дека Барселона има долгорочни планови со голманот Марк-Андре Тер Штеген и дека наскоро ќе ја продолжат соработката.

Германскиот голман има актуелен договор до 2019 година, а раководството на клубот веќе му понудиле нов договор до 2021 година.

Тер Штеген стана прв голман на Каталонците оваа сезона откако беше продаден Клаудио Браво, а викендов направи огромна грешка против Селта.

Сепак тој ќе биде награден со нов договор, во кој ќе има зголемување на откупната клаузула, која во моментов е 80 милиони евра.