Балотели испрати порака до навивачите на Фламенго

Марио Балотели им се заблагодари на навивачите на Фламенго за поддршката, откако се одлучи да се врати во Италија.

Балотели на крајот од претходната сезона го напушти Марсеј и како слободен агент чекаше на нов ангажман.

За неговиот потпис се бореа бразилски Фламенго и италијанска Бреша, а на крајот се одлучи да се врати дома.

Фламенго ја објави изјавата со која потврдува дека не биле во можност да договорат доаѓање на Балотели, а репрезентативецот на Италија остави порака за навивачите на овој клуб.

„Им благодарам на навивачите на Фламенго за сите пораки и покажувањето љубов која ја примив од вас во последните денови. Ви посакувам среќа на сите вас.“ – напиша Балотели.

Бало договори едногодишна соработка со Бреша, која се врати во Серија А.