Карло Анчелоти ова лето го превзема Наполи и во главно може да биде задоволен од тоа како игра неговиот тим кој е на минус четири од лидерот и бранителот на Скудетото, Јувентус.
Италијанецот сега имаше интервју за реномираниот „Франс Фудбал“ во кое истакна задоволство од досегашното поминато време во клубот од Неапол, а неизбежно беше и прашањето за најголемиот трансфер ова лето – преминувањето на Кристиано Роналдо од Реал Мадрид во Јувентус.
Како екраните влијаат на детскиот развој? Разговор со дефектолог
Анчелоти е задоволен што Роналдо настапува во Серија А, но сепак жали што не е дел од неговиот тим.
„Доаѓањето на Роналдо е одлично за имиџот на Серија А. Во Италија во минатото играа фудбалери како Марадона, Платини, Роналдо, Шевченко, Кака...Но, таков не беше случајот во последните 10 години и најмногу поради тоа Роналдо е полн погодок. Единствена грешка е што го избра Јувентус“, изјави Анчелоти.
Ќе потсетиме, Роналдо вечерва со Јувентус во рамките од Лигата на шампионите гостува кај Манчестер Јунајтед.
Учество во игри на среќа е дозволено за лица со 18+ години. Играј одговорно!