Англиски фудбалер обвинет дека 232 пати го прекршил правилото за обложување

Фудбалерот на Брантфорд, Ајван Тони  е обвинет дека 232 пати го прекршил правилото за обложување.

Тони е во одлична форма и до последен момент беше во конкуренција кај селекторот Саутгејт да биде повикан за англиската репрезентација на Мундијалот.

Сега се соочува со сериозен проблем, бидејќи е обвинет дека 232 пати го прекршил правилото според кое фудбалерите во Англија не смеат да се обложуваат на фудбалски натпревари.

Фудбалската асоцијација седум месеци водела истрага, а станува збор за периодот од 25. февруари 2017 година, до 23. јануари 2021 година.

Сега Тони треба да даде изјава и се соочува со голема казна.