Потврдено: Напаѓачот кој се врати од суспензија на лето ќе има нов клуб

На една година пред истекот на договорот напаѓачот Ајван Тони ќе го напушти Брентфорд.

Тони ќе го напушти клубот во летото кое следи, потврди менаџерот на Брентфорд, Томас Франк.

„Очигледно е дека ќе се разделиме. Него му истекува договорот летото 2025 година и најверојатно ќе биде продаден на лето. Оваа зима имавме многу понуди за него и ќе бидам изненаден ако во јули нема и повеќе. Мислам дека во овој момент не постојат многу напаѓачи кои се подобри од него“, изјави Франк.

Тони има 27 години и за Брентфорд игра од 2020 година, досега настапи на вкупно 113 натпревари во кои постигна 65 голови. Зад себе има и еден настап во репрезентацијата на Англија.

Но, во прашање е и контроверзна личност, неодамна се врати на терените по суспензијата од осум месеци поради обложување на натпревари во кои и самиот играл. Минатото лето се шпекулираше дека Арсенал е заинтересиран за неговите услуги, а останува да видиме во наредниот период кои клубови ќе се борат за неговиот потпис.