Агуеро убеден во „кралските“ квалитети: Реал без проблем ќе го елиминира ПСЖ

Напаѓачот на Манчестер Сити, Серхио Агуеро смета дека Реал Мадрид ќе го елиминира ПСЖ во 1/8 финалето од Лигата на шампионите.

Да потсетиме, Реал Мадрид во реваншот во Париз патува со предност од 3:1 од првиот дуел, а Аргентинецот смета дека „кралевите“ без проблеми ќе ја одбранат предност.

„Верувам дека Реал Мадрид ќе го елиминира ПСЖ, се наоѓаат во одлична позиција. Веќе имаат предност од два погодоци и доколку постигнат уште еден гол во Париз мислам дека се ќе биде готово. Очекува Реал без проблем да се пласира во ¼ финалето“, изјави Агуеро.

Дали Агуеро имал право ќе дознаеме на шести март кога е закажан реванш натпреварот помеѓу францускиот и шпанскиот гигант.

Од друга страна пак тимот на Агуеро, Манчестер Сити е веројатно сигурен патник во ¼ финалето поради победата на гостински терен од 4:0 во натпреварот против Базел.