Агуеро со искрена исповед ги расплака сите

Легендарниот аргентински напаѓач, Серхио Агуеро ја заврши професионалната кариера поради проблеми со срцето.

Агуеро со години беше еден од најдобрите напаѓачи во Премиер лигата и во светот, а минатото лето се врати во Примера и потпиша за Барселона.

Меѓутоа, на „Камп Ноу“ му се појавија проблемите со срцето, па мораше да стави крај на својата професионална кариера.

Агуеро сега отворено зборува за проблемите кои ги има и откри дека има големи потекотии при физички напор.

„Фудбал не можам да играм ниту рекреативно. Кога ќе се обидам да играм фудбал останувам без воздух многу брзо. Се прашувам дали некогаш ќе можам да направам спринт. Едноставно чувствувам дека моето срце не работи правилно“, искрен беше Агуеро.