Јувентус пронајде замена за Бонучи

Јувентус ова лето остана без својот најдобар одбранбен фудбалер, Леонардо Бонучи кој се одлучи за шокантен трансфер и премина на „Сан Сиро“.

Иако тренерот Макс Алегри истакна дека има доволен број на дефанзивци и не му е потребна замена за Бонучи, раководството сепак работи на тоа да го засили тимот со уште еден стопер.

Италијанските медиуми пренесуваат дека изборот паднал на Езекил Гарај, кој моментално го носи дресот на Валенсија, а во минатото играше за Зенит, Бенфика и Реал Мадрид.

„Тутоспорт“ пренесува дека Аргентинецот е реална опција и дека самиот фудбалер сака да се пресели во Торино, а „старата дама“ е спремна да понуди 15 милиони евра за неговиот потпис.

Сепак, на Јувентус нема да му биде лесно да ја убеди Валенсија, бидејќи новиот тренер Марселињо го смета Гарај за еден од најважните фудбалери во тимот.