„Влаховиќ е ниво на Халанд, но во Јувентус има друг проблем“

Иако, е често критикуван оваа сезона, Душан Влаховиќ е втор најдобар стрелец во Серија А со 16 гола (прв е Лаутаро Мартинез со 23).

Ален Бокшиќ, легендарниот хрватски напаѓач кој во два наврати ги бранеше боите на Лацио во Италија и на „старата дама“ зборуваше за квалитетот на српскиот репрезентативец.

„Душан е одличен напаѓач и има само 24 години. Покажа квалитет, може да дојде до ниво на Халанд. Никогаш не сум сакал споредби, но во Италија е потешко да се постигнувате голови отколку во Англија. Така беше и во мое време, така е и сега“, изјави Бокшиќ.

Поранешниот напаѓач забележа 34 настапи за црно-белите, постигнувајќи седум гола и додавајќи четири асистенции во сите натпреварувања.

„Напаѓачот секогаш зависи од соиграчите зад него. Имав среќа бидејќи зад мене имав играчи како: Зидан, Југовиќ, Дешан, Конте, а до мене беа Дел Пјеро или Виери. Душан, пак, игра во многу поодбранбен Јувентус, кој се мачи со создавање шанси за гол“, заврши Бокшиќ.