Реал одби богата понуда и порача – Асенсио не е на продажба!

epa05829237 Real Madrid's midfielder Marco Asensio (R) celebrates after scoring against Eibar during their Spanish Primera Division soccer match at Ipurua stadium in Eibar, Basque Country, northern Spain, 04 March 2017. EPA/Javier Etxezarreta

Англиските медиуми пренесуваат дека раководството на Ливерпул имало неуспешен обид да ја ангажира младата ѕвезда на Реал Мадрид, Марко Асенсио.

Познато е дека Јирген Клоп сака да донесе квалитетен крилен напаѓач на „Енфилд“, се споменуваа многу имиња, но сега „Индепендент“ открива дека најголема желба на „црвените“ е токму Марко Асенсио.

Имено, Ливерпул испратил понуда од 40 милиони фунти за неговиот потпис, но Реал експресно ја одбил и им ставил до знаење дека Асенсио не е на продажба.

Зидан има голема доверба во овој млад фудбалер кој веќе прерасна во голема надеж не само на Реал Мадрид, туку и на шпанскиот фудбал.