Трансфер пазарот сеуште не е официјално отворен, а раководството на Милан веќе активно работи во реконструкција на тимот за следната сезона.
Денес на прегледи во Милано пристигна првото засилување на „росонерите“, Матео Мусакио, а медиумите тврдат дека се веќе договорени и трансферите на Франк Кеси од Рома и Рикардо Родригез од Волфсбург.
Шанса да станеш YouTuber! Приклучи се! ↓↓↓
„Скај Италија“ пренесува дека директорите на Милан, Марко Фасоне и Масимилиано Мирабели денес отпатувале во Рим за започнат преговори за двајца фудбалери на Лацио.
Станува збор за крилниот напаѓач Кеита Балде за кого силен интерес покажува и Јувентус, и играчот за врска Лукас Биглиа.
Двајцата фудбалери имаа одлична сезона и најверојатно ќе го напуштат Лацио ова лето, а нивната цена се движи помеѓу 20 и 25 милиони евра.
Доколку Милан успее да ги договори овие два трансфери нема сомнеж дека тоа ќе бидат огромни засилувања за тимот на Монтела.