Дибала: Реал Мадрид? Мислам само на Јувентус!

Пауло Дибала е во центарот на вниманието во последно време, но не поради игрите на теренот туку поради шпекулациите кои го поврзуваат со Реал Мадрид.

Шпанските медиуми пренесоа дека Флорентино Перез веќе го има договорено талентираниот Аргентинец и е спремен да оспрати неверојатна понуда од 105 милиони евра.

„Нема никаква понуда, јас немам зборувано со никого за било каква понуда. Навистина сум многу среќен во Јувентус и мојот агент ќе пристигне тука во наредните неколку дена за да дискутира за продолжување на соработката“, изјави Дибала.

„Јас размислувам само за Јувентус, а на крајот одлуката паѓа кај мене. Тоа е најважното што треба да го знаат фановите, но и сите во јавноста“, додаде Дибала јасно алудирајќи дека не планира да ја промени средината во блиска иднина.