Ќе ја прекине ли Меси денес кризата во „Ел Класико“?

Дефинитивно Лионел Меси е најдобриот фудбалер на Барселона во последните 15-тина година и навивачите секако дека многу очекуваат од него во секој натпревар.

Денес пред Барселона и Меси е првото „Ел Класико“ во сезоната, Барса игра на домашен терен и ќе бара победа. Меси до пред две години беше супер расположен во „Ел Класико“ и редовно постигнуваше голови или асистираше, но ситуацијата сега е променета.

Во последните две години Меси во дуелите против Реал нема ниту гол, ниту асистенција. Во овој период тој одигра пет „Ел Класика“ и на теренот помина 425 минути.

Инаку, вкупно Меси против Реал има 26 гола и 14 асистенции, па денес сигурно ќе има мотивација да го прекине постот од две години против најлутиот ривал.

Натпреварот помеѓу Барселона и Реал се игра од 16:00 часот.