Јувентус ќе го менува Игуаин со напаѓач од Премиер лигата

Едно од приоритетните засилувања за Јувентус во летниот преоден рок веројатно ќе биде класичен напаѓач.

Италијански „Тутоспорт“ пишува дека Јувентус има двајца напаѓачи на мета и на Гонзало Игуаин не му се даваат многу шанси да остане. Игуаин има 33 години и сезонава не е на потребното ниво.

Прво име на листата желби е напаѓачот на Вулверхемптон, Раул Хименес. Мексиканецот одигра уште една одлична сезона во Премиер лигата и за него силен интерес покажуваат многу европски гиганти.

Проблем би можело да биде високата цена бидејќи „волците“ за неговата слобода бараат 100 милиони евра.

Второто име на листата е Габриел Жесус. „Бјанконерите“ ќе се обидат да договорат трампа со „граѓаните“, така што на „Етихад“ ќе го испратат Даглас Коста плус пари.

? #Juventus – Caccia al bomber: il preferito è #RaulJimenez
? #CMITmercato https://t.co/bcbbH6rNnp

— calciomercato.it (@calciomercatoit) July 22, 2020