Јувентус спрема понуда за Каземиро

Бразилскиот репрезентативец Каземиро не е задоволен на „Олд Трафорд“ и на лето сака да ја промени средината.

Тој не е во добри односи со тренерот Тен Хаг и жали што го напушти Реал Мадрид за да се пресели во Манчестер Јунајтед, кој и оваа сезона има слаби резултати.

Најсилен интерес за Каземиро покажуваат клубовите од Саудиска Арабија, но Бразилецот сака да остане во Европа.

Таквата ситуација сака да ја искористи Јувентус, кој е во потрага по квалитетен играч за врска, па ќе се обиде да го доведе во Торино.