Јувентус го сака Савиќ, му нуди трампа на Атлетико

Јувентус е спремен да му предложи на Атлетико Мадрид интересна трампа, пренесуваат медиумите на Апенините.

„Старата дама“ сака да им го предложи на „јорганџиите“ Бернардески, а за возврат да го добијат потписот на Стефан Савиќ, пренесува „Калчомеркато“.

Бернардески не влегува повеќе во плановите на тренерот Пирло и „бјанконерите“ сакаат да се ослободат од него. Интерес за италијанскиот репрезентативец покажува Симеоне, па Јувентус сака да ја искористи таа ситуација.

Савиќ има големо искуство во Серија А и Пирло верува дека ќе биде идеален наследник на Киелини.