Јувентус го сака Зидан за генерален директор

Бившиот тренер на Реал Мадрид Зинедин Зидан моментално е без ангажман, па медиумите често шпекулираат со неговата однина.

Додека британските медиуми на големо го поврзуваат со клупата на Манчестер Јунајтед, во Италија тврдат дека Јувентус му го понудил местото на генерален директор.

Откако пред неколку дена на големо изненадување Џузепе Марота го напушти Јувентус, директорското место на „бјанконерите“ остана празно.

Весникот „Тутоспорт“ пренесува дека Зидан е еден од кандидатите заедно со Павел Недвед и Мишел Ува.

Французинот играше за Јувентус од 1996 до 2001 година и не крие дека чувствува поврзаност кон „бјанконерите“.

Сега прашање е дали Зидан сака да продолжи со тренерската кариера, или ќе ја прифати директорската фотеља.