Јокиќ за одлуката да не игра за Србија: Повторно би го направил истото

МВП-то во НБА лигата минатата сезона уште еднаш ја образложи својата одлука кога во прашање е играњето за репрезентацијата.

Кошаркарската репрезентација на Србија изминатото лето доживеа фијаско. Избраниците на Кокошков на турнирот кој беше квалификации за олимписките игри во Белград во финалето беа поразени од Италија и не се пласираа во Токио. Работите можеби ќе беа поинаку ако Јокиќ не го откажеше играњето за Србија.

Многу критики доби од српската јавност поради таквиот негов потег, но Јокиќ тврди дека и повторно би ја донел истата одлука.

„Ја донесов таа одлука. Дали била добра или не, не знам, но јас се држам до неа. Повторно би го направил истото“, истакна Јокиќ.

Јокиќ наскоро чека дете со својата сопруга.

„Наскоро на мене и мојата сопруга ни пристигнува бебе и тоа е најважната работа во мојот живот“, истакна НБА ѕвездата.