Јоветиќ се враќа во Премиер лигата

Црногорскиот репрезентативец, Стеван Јоветиќ би можел само после неколку месеци да во напушти тимот на Монако.

Иако пред крајот на преодниот рок потпиша четиригодишен договор со тимот од „кнежевството“, Јоветиќ не е среќен во Монако, а поради повреда пропушти голем дел од сезоната.

Јоветиќ уште во јануари сака да ја промени средината, а според тоа што го пишуваат медиумите нема да има проблем да најде нов клуб. За 28-годишниот напаѓач најсилен интерес покажува тимот на Саутемптон, што за Црногорецот ќе претставува враќање во Премиер лигата.

Покрај Саутемптон, интерес за Јоветиќ покажува и Севиља, каде минатата година со успех играше како позајмен фудбалер во вториот дел од сезоната.

Јоветиќ оваа сезона настапи на само 6 натпревари за Монако и постигна еден гол.