Ѕвездата на Арсенал објасни зошто го одбил ПСЖ

Францускиот напаѓач Александре Лаказет ова лето имаше неколку сериозни понуди, но тој се одлучи кариерата да ја продолжи во Арсенал.

ПСЖ испрати финансиски најдобра понуда до Французинот, но Лаказет сепак се одлучи да се пресели во Арсенал, а сега објасни зошто ги одбил „светците“.

„Точно е дека преговарав со ПСЖ, но од самиот старт знаев дека нема да одам таму. Во Франција постои само еден клуб за кој би играл, а тоа е Лион. Знам дека во ПСЖ би имал можност да напредувам, но едноставно сакав да одам во некоја друга лига“, објаснува Лаказет.

„За сега сум задоволен од развојот на ситацијата во Арсенал, но мора да биде уште подобро. Англискиот фудбал е поинаков и потребно ми е уште малку време за да се адаптирам целосно“, заклучи Французинот.

Лаказет оваа сезона во Премиер лигата одигра седум натпревари и постигна четири гола.