Шкупи работи со полна пареа: Дефанзивец од Словачка е второто засилување!

На Чаир денес е претставено второто засилување во овој преоден рок, по Арби Воша од Македонија Ѓорче Петров пристигна Словакот, Михал Пинтер.

Михал Пинтер во редовите на чаирчани пристигнвуа од тимот на Злате Моравче каде што во последниот период имаше проблеми со повреда.

Шкупи верува дека Пинтер може да биде одлично засилување кое ќе донесе цврстина во одбраната.

„Среќен сум за шансата која ми се укажа, се надевам дека ќе бидам здрав и ќе можам на најдобар начин да му помогнам на тимот. Во последните неколку месеци не играв фудбал поради повреда, па затоа со нетрпение чекам да започнам“, изјави Пинтер.