Шега или не? Ибрахимовиќ објави каде ја продолжува кариерата?! (ФОТО)

Златан Ибрахимовиќ со својата последна објава ја зачуди и изненади јавноста.

Во последните недели од ден во ден се шпекулираше за тоа кој ќе биде новиот клуб на Ибрахимовиќ. Со оглед на тоа дека му истекува договорот со Галакси повеќе клубови се интересираа за Швеѓанецот.

Рано утрово Ибрахимовиќ на својот Инстаграм профил објави фотографија од дресот на шведскиот клуб Хамарби. Под објавата на Ибра нема никаков опис, па не можеме со сигурност да кажеме дека потпишал за овој клуб.

Швеѓаните пишуваат дека не е невозможно Ибра да потпишал за овој клуб затоа што луѓе од управата на овој клуб во понеделникот го посетиле напаѓачот во Лос Анџелес. На профилите на Хамарби засега нема ништо.