Шаќири со извинувањето ги налути Швајцарците: Живееме на планина, но не сме малоумни!

Швајцарскиот медиум „Блик“ го критикуваше Џердан Шаќири поради начинот на кој го прослави погодокот против Србија на Мундијалот во Русија.

Главниот уредник на спортската рубрика на „Блик“, Феликс Бингезер, за разлика од Гранит Џака и Стефан Лихштајнер, за кои верува дека се искрени го осуди настапот на Шаќири и изјавата на фудбалерот на нарече „глупава“.

Посебно на Бингезер му пречи делот во кој Шаќири кажува „сите кои го гледаа натпреварот во планините“, бидејќи новинарот смета дека „во планините“ означува некој кој е „селјак“.

„Да, господине Шаќири, ние сме планинска земја. Но сите кои живаат во планина не се малоумни и националисти“, се наведува во текстот на „Блик“.

Тој го критикуваше и селекторот Владимир Петковиќ кој за заменик капитен го постави токму Џака, пред Јан Зомер, искусниот голман.