Чурлинов: Среќен сум што повторно можам да играм фудбал

Дарко Чурлинов помиа низ многу тежок период откако се разболе од сепса, но после неколку месеци повторно може да игра фудбал.

Сега, четири месеци подоцна, Чурлинов е назад во репрезентацијата и едвај чека повторно да заигра.

„Убаво е чувството пак да се биде на терен, поминав низ еден тежок период, пресреќен сум што повторно можам да играм фудбал и што повторно можам да бидам дел од репрезентацијата. Спремен сум да играм, од пред две недели смеам да настапувам, кондициски сум доволно подготвен, на добар пат сум. Играв два меча за вториот тим на Барнли, би требало да заиграм и за првиот тим во клубот“, изјави Чурлинов.

„Без разлика против кого играме, треба да се фокусираме на нас, знаеме колкав квалитет имаме, но треба тоа да го покажеме на терен. Ќе го анализираме уште еднаш оној меч од Скопје, ќе видиме каде ни биле грешките. Ако ние играме добро, тогаш можеме да се носиме со секого“, додаде Чурлинов.